Boeken

Het Huus van de Taol hef een eigen oetgeverij die schiere boeken hef. Van poëzie tot proza, van thriller tot kinderboek. Dizze boeken bint óf in het Drents of ze gaot over Drenthe.

9.95

Niks is zo hiete as old ies – Annije Maria Brans (E-boek)

Productomschrijving

Annije Maria Brans ( Hoogeveen, 1963) is het pseudoniem van Marga Zwiggelaar. Zij gruide op in ’t Hogevene en vertrök in 1980 hen Kampen um daor te gaon studeren an de Sociale Academie. Ze warkte jaorenlaank als opbouw-en jongernwarker in ‘t Hogevene en ondertussen studeerde ze Algemene Cultuurwetenschappen, en rondde dat of in 1999. Van 2001 tot 2011 was ze an het wark in de museumwereld, zo was zij onder meer conservator van het Museum de 5000 morgen. Marga Zwiggelaar publiceert regelmaotig in cultuur-historische tiedschriften,veural over specifek Drentse onderwarpen. Ze hef een eigen cultureel en historisch adviesbureau en is ien van de mede-oprichters van de levende geschiedenisgroep Die Luyden van ’t Hooge Veene.

Annije Maria Brans publiceerde in 2007 veur het eerst heur Drentstalige gedichten in het boek Begraafplaatsen in de gemeente Hoogeveen. In 2010 dee ze mit an de schriefwedstried van het Huus van de Taol. De positieve reacties daorop stimuleerden heur um mit schrieven deur te gaon en verschient der geregeld gedichten van heur in het Drents Letterkundig Tiedschrift Roet. Niks is zo hiete as old ies is heur eerste bundel.

In de bundel liekt de gedichten van Annije Maria Brans dichte bij de natuur en de realiteit te liggen, mar in een voortdurende onderstroom lat de schriefster de lezer een hiel aander verhaal ervaren. Neie verhalen die stapelt op olde verhalen, nei ies
gruit an old ies. Mar het olde ies blef as een glunige pitte bestaon.