‘Ningtien’ is de biografie van Johannes de Mens, het alter ego van Gerard Stout, met kindertied op Erica, roomse hbs in Emmen, kunstacademie en studie scheikunde an de Rijksuniversiteit in Stad.
Johannes de Mens is an de reize naor Italië, Finland, Polen, Kameroen, Zambia en Rusland. Nao roege jaoren in het butenlaand raakt e verstrikt in de politiek in Emmen. Onderwegens komt hum verscheiden vrouwlu in demuut, waor e niet aal wegmet wet. De vrouwlu weet dat wel. Eenman blef negentien, ok as jaoren veurbijgaot en leeftied hum wiezer liekt temaken. De schelmenroman kreg een eernsachtig vervolg as Johannes de Mens an de lerarenopleiding te laande komp.
Het kind Ludwig speult een heufdrol in disse levensloop. Heftige gebeurtenissen laot een zachtmoedig man zien, die nooit older wordt. Minder as de helfte is verzunnen, veul minder.