Rob Boudestein (1947)
Nao de HBS dee e verscheiden beroepsopleidingen. Daornao was e jaorenlang researchmetwarker bij TNO en later dee e hetzölfde wark bij een grote fabrikant van reuk- en smaakstoffen. Hie was ok freelance fotograaf.
In 1980 weur e docent economie. Eerst in het underwies veur groten, daornao bij een underwiesinstelling veur hoger beroepsunderwies. Rob Boudestein woont tegenwoordig in Drenthe, in Hollandscheveld.
Rob schref geregeld lichtvoetige gedichten; in het Nederlands. Dat döt e mangs allén, maor ok vaak as ien van de dichters van het Light Verse Collectief.
Wark van Rob Boudestein is verscheiden maol bekroond: de Windesheimpries (1995), de Raadselige Roos (1996), de August Vermeylen-pries (1999), de Apollopries veur proza (2000), de Plantage Poëziepries (2009), de Hannah-Mengmettaal poëziepries (2010) en de Willem Wilmink dichtpries (2012).
Rob zien motto: ‘Al is mijn muze al wat ouder; Ik ruil d’r mooi niet in, ik hou d’r’.
Publicaties:
- Verhalen in u.a. de literaire tiedschriften Appel, Lyra, Lava, Noachs Kat, Opspraak, Roet, Zulma, de Drentse Courant en de Zwolsche Courant;
- Gedichten in Schoon Schip, Wel, het Drents letterkundig tiedschrift Roet, Meulenhoffs Dagkalender (2001 en 2004) en de Tuinscheurkalender;
- Verhalen en gedichten in verschillende gelegenheidsbundels;
- De dood en het peloton (wielergedichten);
een samenwarking met de dichters Ton Peters, Gezienus Omvlee en Ben Hoogland in het Light Verse Collectief. - Ienakters en aovendvullende blijspeulen;
- Krijg nou wat – in vertaling verschenen bij Stifting Utjouwerij Frysk Toaniel;
- Binnenkort uitverkocht (Het Drentse Boek 2018 – Light Verse Collectief).