Kuj ’t even wachten?

Wij leert je meer over de Drentse taol, de previncie en de Drentse cultuur.

Cursussen

Veur elkenien die geern wat meer of nóg meer over het Drents en Drenthe leren wil, geef wij schiere cursussen: de körte broescursus, de Moi-cursus, de Drenthecursus of Dieper Deur Drenthe? Oeze cursussen bint interessant veur lu die in Drenthe geboren bint, maor netzogoed veur neikommers in oeze previncie.

De lesgevers van het Huus van de Taol hebt allemaol een opleiding veur ‘docent Drents’ volgd en geeft de cursus op locatie: dat kan een dörpshoes weden, een bibliotheek, een schoel of welke aandere plek dan ok. Aj as veriening of bestuur in je gebouw een cursus hebben wilt, bel of mail dan met het Huus van de Taol.

Hol de agenda in de gaoten veur de neiste begundaotums.  Aj je anmelden wilt, kan dat via het anmeldformulier op de website of op (0593) 371010.