Basisschoel - Huus van de Taol

Basisschoel

Wat een prachtig aanbod van Harm en Roelof guster, um in de Meertmaond Streektaolmaond op ien van de basisschoelen in Drenthe te kommen. As gelukkige is uut de bus rold: OBS De Driemaster in Assen.

Filiciteerd!

Echt waor? Echt waor! is een gloepends nei plan van een gloepends neie stichting. De Stichting StreekTaol in Projecten wil dinger veur het underwies ontwikkeln waorbij de umgeving, de geschiedenis en de taol van Drenthe oetgangspunten bint. As eerste is Echt waor? Echt waor! maokt, bedoeld veur de bovenbouw van het basisunderwies. Het giet hierbij um een project waorin leesbegrip, streektaol en gebeurtenissen in de Drentse geschiedenis bij mekaor bracht bint in tien verschillende katernen, die naor de neiste underwieskundige inzichten ontwikkeld bint en gebroekt worden kunt in de plaots van aander underwiesmateriaol. Dat wordt helder oetstukt in de Gebruikswijzer. Op 26 oktober is het plan prissenteerd.

Op de basisschoelen in Drenthe wordt op de volgende manieren aandacht an het Drents besteed:

  • In de meertmaond wordt er deur vrijwilligers van het Huus van de Taol veurelezen op schoelen die dat op pries stelt.
    Alle basisschoelen wordt in september dervan op de hoogte ebracht dat zij in de meertmaond van het volgende jaor Drentse veurlezers op schoele kunt verwelkomen.
    Miestal zal de Taolschulte van de gemiente dit veurlezen coördineren. An alle veurgelezenen wordt het tiedschrift Wiesneus uutedield.
  • Basisschoelen kunt de leskist Speulenderwies lienen. In dizze krat spellegies, veurleesboekies en praotplaten. Het is een mooie anvulling op een project Drents.
  • Het project Peter en de Wolf in het Drents is speciaal ontwikkeld veur basisschoelen.
  • In groep 8 van de basisschoel kunt warkwinkels Drents egeven worden. De kiender leert meer over de Drentse Taal.
  • Het liedtiespakket Jamero ( cd's + boek) is te koop bij het Huus van de Taol.
  • Het liedtiespakket Het Jaor deur (cd's + boek) is te koop bij het Huus van de Taol
  • De onderwieswebsite www.wiesneus.nl mit verhaalties, gedichies, liedties veur de kiender in de basisschoelleeftied en achtergrondinformatie veur olders en leerkrachten.

 

Lezings en workshops
Op zakelijke olderaovends verzörgt de metwarkers van het Huus van de Taol lezings. Olders vindt dat over ’t algemien aordig schier. Der wordt niet allén informatie andragen, maor ok veurbeelden geven, verhalen verteld en meziek belusterd tiedens zo’n lezing. Workshops verzörgt het Huus van de Taol veur hiel verschillende groepen.