Hej wal ies speuld met de gedachte um zölf een toneelstuk te schrieven? Of een musical? Of een revue?

Dan kuj begun aander jaor an de slag!

Het Huus van de Taol neugt je geern veur de cursus Ienakter schrieven in vief lessen en wal op 
za 18 januari van 10 - 13 uur les 1
za 1 februari van 10 - 13 uur les 2
za 15 februari van 10 - 13 uur les 3
za 14 maart van 10 - 14.30 uur les 4 met lunch
za 4 april van 10 - 14.30 uur les 5 met lunch
Metdoen an dizze cursus kost 75,- euro, inclusief koffie/ thee en cursusmateriaal.
De leste twei keer is een lunch inbegrepen. Anmelden kan bij het Huus van de Taol: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

Wij bint der slim wies met dat Martijje Lubbers nou bestuurslid worden is bij Huus van de Taol. Met heur muzikale én Drentstaolige achtergrond is ze een schiere anvulling op oes bestuur. Mooi daj derbij bint, Martijje!

Schrief een kört verhaal in het Drents of een aandere variant van het Nedersaksisch en maak kans op een mooie pries: € 350,--! Het thema is 'Vrij?' en je verhaal mag maximaal 1.000 woorden wezen. Inlevern veur 10 januari via Dit e-mailadres wordt beveiligd tegen spambots. JavaScript dient ingeschakeld te zijn om het te bekijken..

 

Weet ie wat de woorden knooien, kopstubber, prugeltie, tolter en mieghummel betiekent?

Wij bint op zuuk gaon naar het Mooiste Drentse Woord van 2019 en dizze vief woorden hebt de top 5 haald. Nou is 't an jullie um hét mooiste Drentse woord van 2019 te kiezen!

 

 

 

 

Op 13 december hef streektaolfunctionaris Arja Olthof bij RTV Drenthe de top 5 bekend maakt:

Knooien

Kopstubber

Prugeltie

Tolter

Mieghummel

Op dizze woorden kuj tot 19 december stemmen. Op 20 december maakt we dan de winnaar bekend.

Je favoriete woord kuj insturen naor Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. of deurgeven op 0593 - 371010.

 

 

Vrij? 75 jaor bevrijd?  Uut de kaste? Uut de putte? Juk ofewörpen? Woensdagmiddag? Vekaansie? 

In alle gevallen hebbe wij het over vrij. 

En giet het ok over vrijheid. Vrijheid van leven, van mening, van weden wie aj bint. En het giet veural ok over vieren. De grote vrijheid en de kleine huus-, tuun- en keukenvrijheid. Mar allemaole bint ze belangriek, hoewel niet net zo belangriek veur allemaole.

In de schriefwedstried veur het Nedersaksisch vraoge wij oe het gevuul dat veur oe het beste past bij 

VRIJ?

in een verhaal te verwoorden. Verhalen over de grote en kleine vrijheid bint even welkom.

Spelregels:

Schrief een kört verhaal in een Nedersaksische variant en maak kaans op een mooie pries en plaatsing van oen verhaal in een speciale bevrijdingsZINNIG die tegen bevrijdingsdag 2020 uutkomp.

Heufdpries: € 350,-  |  Tweede pries: € 100,--

  • Elke variant van het Nedersaksisch is goed (spelling is gien probleem, daor giet het niet umme)
  • Maximaal 1.000 woorden
  • Insturen, veur 10 jannewaori an: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.
  • De jury zal bestaon uut meinsen uut de Nedersaksische taalgebieden

 

Oflopen zaoterdag is de bundel '100x Kunst op zien Drents' oetkommen. Veur maor 10 euro een prachtig boekie um ies lekker in te snuustern. En lees dan niet te rappies over de woorden hen. Misschien denk ie bij dook an een doek of verwacht ie dat een klied een kleed is. Nou, dat hej dan fout dacht. En beulen legt je hier gien strop um de nak, biesten is niet hetzölfde as beesten, een poppie is gien kleine pop, een liek is hier gien lijk. En denk ok niet dat het Drentse snakken hetzölfde is as het Nederlandse ‘ergens sterk naar verlangen’. Zo is een schoft hier gien minne kirrel.
Zuuk ok ies naor de zende, het diggelgoed, de iemenpiep en grel of eernsachtig. Gewoon umdat het zukke mooie woorden bint. En zie hoe mooi of biezunder die woorden verbeeld bint. Neisgierig? Mooi zo! 

Het boekie '100x Kunst op zien Drents' is te koop bij de boekhandel, het Huus van de Taol, het Drents Museum en op drentheboeken.com.

 

Het Huus van de Taol organiseert verschillende soorten cursussen. De bekendste is de Drenthecursus (± € 55,-) In acht aovends leer ie meer over de Drentse taol, de gebruken en gewoontes, meziek, geschiedenis, gezegdes, uutdrukkingen en de Drentse literatuur.

Wieder is der de verneide Moi-cursus (± € 25,-) Dizze bestiet uut drei aovends en giet over Drents in ’t biezunder en taol in het algemien.
 
En dan hebbe wij ok nog de spellingcursus (€ 40,-) Vief aovends um de Drentse taol te leren schrieven. De Dieper deur Drenthe cursus wordt op dit moment verneid.

Wie een groep van 10 -12 meinsen bij mekaar hef, kan dit angeven bij het Huus van de Taol. Dat zöch dan een locatie en een docent um de cursus te kunnen geven. Der staot Moi-cursussen op stapel in Geeuwenbrug en Mantinge. Wieder bint der plannen veur Drenthecursussen in Emmen (jannewari), de Veenkoloniën (naojaor/winter), Hollandscheveld (naojaor), Rune (winter) en Gieten (jannewari). Der begunt op 30 oktober een spellingcursus in Rolde (of umgeving) en ok in Dwingel biw bezig een spellingcursus op te starten.
 
Opgave via Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. of 0593 371010 (Huus van de Taol)
Pagina 1 van 55