Op zaoterdag 7 september was 't zo wied. Een koppeltie lezers fietst met schriever Anne Doornbos met. De tocht giet langs plekkies oet de Drèentse thriller De Paddenvanger. Van Hofsteenge in Raol, langs Hofsteenge in Grol naor Hofsteenge in Raol.

Ien van de dielnimmers schreef laoter: "Het was een gezellige dag en prima verzorgd door het Huus van de Taol. Mijn hartelijke dank hiervoor. De schrijver kan niet alleen goed schrijven en mooi voorlezen, maar is ook een prettige verteller. Jammer voor al die mensen die dit gemist hebben."

Kiek op Youtube of Facebook veur een schier filmpie van lestleden zaoterdag.

 

 

 

Vanof nou kuj weer risseveren! Taal an Taofel is een vast begrip veur elkenien met liefde veur de Drèentse literatuur…

Heb ie met mekaor een mooie keet of een schiere soos? Wil ie daor met een mooi Drents woord wat nóg mooiers van maken? Bel, mail of twitter met het Huus van de Taol veur meer informatie!

Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. of 0593-371010   images

Het Huus van de Taol in Beilen stimuleert het gebruuk van het Drents deur activiteiten te organiseren op het gebied van schrieverij, meziek, taolpromotie, taolwetenschap en onderwies. Wij viendt streektaol slim weerdevol en wilt vanuut cultureel en taolkundig oogpunt actief het Drents uutdragen.

Dit jaor doew dat met het project ‘Drentse k(r)eet!’. Wij daagt jongern uut um creatief te wezen, maor nog meer um de mooiste Drentse kreten vast te leggen. Ie gaot zölf bedenken wat veur mooie kreet of mooi woord in het Drents op oen keet of soos past. Dit woord, dizze kreet wordt dan in of op de keet of soos emaakt. Dit kan samen met een (graffiti)artiest, maor as der creatievelingen in de groep zit, mugt die natuurlijk zölf methelpen!

 

Veur hiel wat tenielverienigings is 't tied veur de zuuktocht naor een schier tenielstuk. Kiek dan ok ies hier boven: PROMOTIE VAN DE DRENTSE TAOL / TENIEL / TENIELSTUKKEN. Geregeld komp der een nei stuk bij. Dizze maond "Oti en Kleinkind" en "Schoelkamp".

OTIE EN KLEINKIND is schreven deur Josh Hassing van musicalgroep "Odoorn" oet Oring. Het is een aovendvullend stuk veur 3 mannen en 4 vrouwen plus een koortie.

SCHOELKAMP is schreven deur Marianne Braam van Toneelverieniging "Crescendo" oet Gieterveen. Dizze ienakter wordt speuld deur 4 mannen en 4 vrouwen.

Understaonde oetvoering is oetverkocht!!! Ok kuj niet op de reserveliest.

 

Op vrijdag 13 september 2019 treedt de cabaretgroep Twee Recht Twee Averecht op bij De Karstenhoeve met hun neie pergramma “Frontale Confrontatie”. Dizze cabaretgroep bestiet uut 4 vrouwlu , die met een knipoog en een kwinkslag het leven van alledag op de hak nimt.

Het begunt um: 20.00 uur, deel los um 19.30 uur

Entree: € 13,50

Kaorten: 0522-481447 of via Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

Museumboerderij De Karstenhoeve, Dokter Larijweg 21, Ruinerwold.

Dizze maond is der een naoslagwark over het Nedersaksisch verschenen. Het boek drag de titel: ‘Nedersaksisch in een notendop, inleiding in de Nedersaksische taal en literatuur’ van H. Bloemhoff, P. Bloemhoff-de Bruijn, J. Nijen Twilhaar, H. Nijkeuter en H. Scholtmeijer. Van Gorcum oet Assen is de oetgever en de schrievers komt oet verschillende regio's in het Noord-oosten van Nederland. Bie het Nedersaksich heurt Grunnings, Drèents, Stellingwarfs, Sallands, Veluws, Urks, Twents en Achterhoeks en Liemers.

Nedersaksisch in een notendop is een boek veur elkenien die in streektaolen ïnteresseerd is. Het is te koop veur € 22,95 in d eboekhandel in Noord-Oost Nederland.

Zaoterdag 22 juni was een schiere zummerdag. Heul best veur literatuur- en meziekfestival Zomerzinnen in Dwingel. In tenten en zaolen kun het volk luustern naor hun favoriete schrievers. In het Koetshuus was 's aovends de allereerste Zommerslam; organiseerd deur het Huus van de Taol saomen met de Emsländische Landschaft under de paraplu van GrenzKultur.

Zommerslam wur een bizunder gesmiet met gedichten en körte verhaolen in het Duuts en Drèents. Volgens Job van Schaik van het Dagblad van het Noorden was dit ien van de hoogtepunten van het festival. De Drenten Annie Martens, Sacha Landkroon en Mischa van Huijstee en de Duutsers Anna Hans, Milena Stein en Rahel Babic kunnen in twee rondes hun beste gedichten en verhaolen veurdraogen. De jury (Theresa Sperling en Arja Olthof) en het pebliek haddem het daornao stoer. Wel mug naor de finale. Mischa van Huijstee en Rahel Babic zörgden oeteindelijk veur een mooie Battle an 't end. Het pebliek mug wasknippers hangen an Mischa en Rahel. Wel har de mieste wasknippers? Het wur Rahel Babic oet Duutsland. Wij fieliciteert Rahel met de dikke priezen: € 250,-- en de Golden Siepel.

Hier het stuk van Job van Schaik:

"Poetryslam tussen drie Duitse Dichters en Drentse taalvirtuozen

Om kwart over acht blijkt de serre van Grand Café de Brink afgeladen vol en wijk je uit naar de ZommerSLAM in het Koetshuis. De poetryslam tussen drie jonge Duitse dichters en drie oudere Drentse taalvirtuozen levert een van de hoogtepunten van het festival op: de dwingende, golvende poëzie-rap van Rahel Babic. De 18-jarige Duitse mag met de Golden Siepel en 250 euro naar huis, al geeft Mischa van Huijstee haar in de finale sterk weerwoord, weemoedig en berustend in het onvermijdelijke."

 

Pagina 1 van 53