Schriefwedstried van het Huus van de Taol inzenden tot 1 meert

30 nov 2017

Het Huus van de Taol is op zuuk naor eigentiedse, originele verhalen in de streektaol! Het thema is: winter. Ie mugt hielemaol zölf bedenken wat aj met dat thema doen gaot. Het verhaal mag niet meer as 1000 woorden bevatten. Het kan wezen daj ’t lastig vindt um een verhaal in de Nedersaksische streektaal te schrieven, maar da's niet neudig, de winnende verhalen wordt veur publicatie op spelling controleerd.De spelling hef ok gien invloed op de uutslag! Het eigen neie verhaal kan ok as audiobestand ineleverd worden. Der komp namelijk veur een veurgelezen verhaal een aparte jurering. Een veurgelezen verhaal mag niet langer wezen as 7 minuten. Der bint trouwens beste priezen te winnen. De heufdpries is € 350, veur de tweede pries lig der € 100 klaor en veur het ingespreuken verhaal is der ok een pries te winnen van 100 euro. Geschikte verhalen kunt uutekeuzen worden veur het samenstellen van een winterboek. Bij deelname geef ie hierveur toestemming. Stuur oen verhaal in veur 1 meert 2018 naor Dit e-mailadres wordt beveiligd tegen spambots. JavaScript dient ingeschakeld te zijn om het te bekijken., daor kunt ok de ingespreuken verhalen (as audio-bestand) naor toe.

Reglement schriefwedstried 2017-2018

Schrief een verhaal in het Nedersaksisch en maak kaans op ’n mooie geldpries

Winter

Het thema veur de schriefwedstried is Winter.

Spelregels:

  1. Het mut een origineel, deur oezölf eschreven, verhaal wezen.
  2. Het verhaal mag maximaal 1.000 woorden bevatten ( = 1 ½ A4).
  3. Het verhaal mut eschreven wezen in het Nedersaksisch (welke variant dan ook)
  4. De spelling is veur veul meinsen lastig. Laot oe daor niet deur ofschrikken. De spelling wordt, bij publicatie, deur oes nao-ekeken. Bij de beoordeling van het verhaal let de jury niet op de spelling, maar op originaliteit, opbouw van ‘t verhaal, zinsbouw, spanning, durf enz.
  5. Deur de inzending van het verhaal geef ie Het Drentse Boek het recht um tot 3 jaor nao inzending het wark te muggen publiceren. Dat kan in een boek wezen of in oens tiedschrift Zinnig.
  6. Het verhaal mut per mail in-estuurd worden veur 1 meert 2018. Dat kan naor

Dit e-mailadres wordt beveiligd tegen spambots. JavaScript dient ingeschakeld te zijn om het te bekijken..

  1. Een gespreuken verhaal mag ok. (max 7 minuten). Ok dizze kun mailen naor Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.
  2. Alle verhalen wordt beoordield deur een deskundige jury. De uutslag van de jury is bindend.
  3. Half april 2018 wordt de uutslag bekend emaakt op een Schrieversdag, waor een passend programma organiseerd wordt. Alle inzenders wordt neugd veur dizze dag.
  4. De priezen bint:

1e. pries € 350,00

2e pries € 100,00

Beste audioverhaal: € 100,00