NEI SEIZOEN TAAL AN TAOFEL VAN START

Op elf zundagen kuj in dizze winter naor Taal an Taofel. In Noord-Slien, Dwingel en Vreis kuj luustern naor streektaolige schrievers en muzikanten. En butendat: lekker eten! Elke Taal an Taofel begunt um 11.00 uur en stopt um 14.00 uur. De kosten bint € 19,00 de man. Daor hej dan ok kovvie/thee en waarm eten bie. We begunt in oktober:
 
ZUNDAG 14 OKTOBER 2018 - DWINGEL
 
Op 14 oktober kuj in Grand café De Brink luustern naor Erik Knoef, Hans Katerberg en Rob Heidema. Erik Knoef komp uut de Achterhoek en schrif gedichten en is ok cbaretier en muzikant. Hans Katerberg woont in Börger en is schriever en emeritus predikant. Hans schrif geregeld colums in de Zinnig. Rob Heidema komp uut Harkstede bie Grunningen. Hij is muzikant en tekstschriever van undermeer de 'Stroatklinkers'.
 
Reserveren kan bie Ans Klok, tillefoon 0521 592468 of e-mail Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. of Geesje Oosting, tillefoon 0521 342063 of e-mail Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.
 
ZUNDAG 21 OKTOBER 2018 - NOORD-SLIEN
 
Op 21 oktober kuj in Restaurant Wielens luustern naor Tea Nijnuis, Roelof Keen en Klaas Spekken. Tea Nijnuis is geboren en woont in Paais/Peize en schrif al vanaof haar jeugd gedichten. Roelof Keen is geboren in Meppen (Dr) maar woont tegenwoordig in Klazienaveen. Hij is rolstoelgebonden en maokte van zien handicap zien sterkste punt.Klaas Spekken is geboren in Musselkanaol en woont nou in Ter Aopel. Hij hef schiere Grunniger liedjes schreven.
Kom ok naor dizze gezellige mörgen bie Wielens.

Reserveren kan bie Reina Zwiers, tillefoon 0591 362371 of e-mail Dit e-mailadres wordt beveiligd tegen spambots. JavaScript dient ingeschakeld te zijn om het te bekijken..