Prejectkoor Hunebed Highway

Maj geern zingen, ok in de streektaol? Griep dan dizze kans: in het Drèents of Grunnegs kuj metzingen in het prejectkoor Hunebed Highway. Op 15 meert zal dit koor optreden bij het Hunebedcentrum in Börger.

Het prejectkoor hef de naam Hunebed Highway, umdat de N34 as verbinding tussen noord en zuud bezungen wordt. Het NsVE giet mit dit gelegenheidskoor 3 liedties zingen. Wieder vult het NsVE de middag met liedties uut heur uutgebreide repertoire. Ok bint er 2 gastoptredens die middag:

-          Zangeres Isa Zwart komp zingen. Zij is de winnares van het Drèents Liedtiesfestival 2017, waor zij het lied ‘Mamme see’ zung.

-          Schriever en verhalenverteller Roelof Keen. Hij hef zölf Drèentse boeken schreven en zet zuch in as vrijwilliger veur het Huus van de Taol.

Het projectkoor giet 3 liedties zingen, die aj in je eigen streektaol metzingen kunt. Dit bint liedties van Isa Zwart, Daniel Lohues en Klaas Spekken. Het koor ripeteert tweemaol:

  • Zaoterdagmiddag 7 meert van 13.00 tot 17.00 uur bij het Esdal College in Börger.
  • Vrijdagaovend 13 meert van 19.30 uur tot 22.30 uur in het Markehuus in Grol.

Veur meer informatie kuj terecht op de webstee van NsVE.