Meer promotie - Huus van de Taol

 

 

 

 

 

 

 

 

 

 

 

 

 

 

 

 

 

 

 

 

Hej binnenkört een bijienkomst waoraj nog een spreker veur zuukt? Hej dan wal ies dacht an het Huus van de Taol? Wij bint regelmaotig op pad um Drenten en niet-Drenten te vertellen over oeze schiere taol en waorum wij het zo weerdevol vindt um Drèents te praoten.

Waw je allemaol vertellen kunt:

  • over de geschiedenis van het Drèents en het Nedersaksisch
  • waorum aj op veursprong staot aj ok een streektaol spreekt
  • over de 7 varianten van het Drèents
  • wat Drenten precies wal of niet bedoelt
  • spraakverwarring Drèents - Nederlands
  • begroeten in het Drèents
  • en nog veul meer

Daornaost kuj ok bij ons terecht veur:

  • Drentstaolige lezing over ien van oeze warkvelden: meziek, schrieverij, taolpremotie, underwies, wetenschap
  • Drentstaolige kwis (in combinatie met een körte lezing)
  • Drentstaolige pubkwis

Vanzölf praot wij ok Nederlands, dus de lezings kunt ok in een combinatie van Drèents en Nederlands daon worden. 

Veur meer informatie kuj contact opnimmen met oeze directeur Renate Snoeijing op 0593 37 10 10 of via Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

 

 

 

 

Sunterklaos is der weer. Dus tied um weer liedties te zingen, spellegies te doen en puzzels te maken die allemaol met Sunterklaos te maken hebt!

Op oeze webstee Wiesneus.nl heb we een speciaal Sunterklaosthema zet, zodaj de kinder de ankommende tied vermaken kunt met van alles en nog wat.

Groep 1 & 2

Groep 3/4/5

Groep 6/7/8

Op zaoterdag 9 november kwamen oeze taolschultes en keurnoten bij mekaar in de raodszaal van het gemientehoes van Beilen. Het programma van die mörgen was gevarieerd en gaf de anwezigen wat um over nao te praoten.

Zo begunden ze mit de ienakter 'Hartzeer bij de Hartliefs', speuld deur tenielverieniging Crescendo uut Gieterveen. Mit dizze hilarische Drentstaolige ienakter har Crescendo dit veurjaor de finale van het Ienakterfestival van het Huus van de Taol wunnen! 

Huus van de Taol Beilen Hartzeer bij de Hartliefs

Hiernao was het tied veur de taolschulte van 't Hogeveine: Yvonne Bijl-Hooijer. Zij vertelde over 'De baos & ikke', die van alles beleeft. Heur verhaolen staot um de week op dunderdag op Regionieuws Hoogeveen, mar vanzölf ok op heur Facebookpagina. Dizze morgen dreug ze twee verhaolen veur en de anwezigen hebt ongetwiefeld later nog terugdacht an de koppies die Yvonne lös in de kast har staon.

Nao een korte pauze wur het tied um de neie taolschulte veur Möppelt officieel te installeren. Bij afwezigheid van taoldrost Emko Dolfing, was plaotsvervangend taoldrost Jan Germs bereid vunden um dizze ceremonie in goede banen te leiden. Wij bint der slim wies met daw nou weer een taolschulte hebt in Möppelt. En wat veur iene!

An Arja & Renate de beurt um het publiek ies op een aandere menier naor de streektaol en het imago van de streektaol te laoten kieken. Nao een schiere prissentatie over hoe een imago opbouwd is, wat we zölf uutstraolen kunt en wilt en wat veur invloed wij as streektaolsprekers hebt op de niet-streektaolsprekers, wur het tied veur soep en kroketten.

De schriever Ton Peters hef zien gedichtenbundel 'De maon hef nacht under de nagels' in het Huus van de Taol in Beilen prissenteerd. De Drentse vertaoling stiet naost het Engelse origineel. 

't Is veur het eerst dat de gedichten van Ted Kooser in Nederland in een vertaoling te koop komt. Ton Peters hef de gedichten niet in het Nederlands, maor in het Drents vertaold, um reden dat e het Drents veul beter bie de gedichten passen vindt.
Ted Kooser is een grote schriever in Amerikao. Hij hef de Pulitzer Prize wonnen en was 'Dichter des Vaderlands'. Kooser schrif over mensen, emoties of krek het ontbreken daorvan.
De bundel 'De maon hef nacht under de nagels' is deur Stichting Het Drentse Boek oetgeven en is te koop veur € 17,50 op drentheboeken.com. Vanof 13 november ok te koop in de Drentse boekhandel.IMG 5365IMG 5347

Weet ie wat de woorden grammieterig, akkederen en veraldereerd betiekent?

Mooi, dan weej daw ok dit jaor weer een woord van het jaor zuukt!

Streektaalorganisatie Huus van de Taol is op zoek naar het Mooiste Drentse Woord van 2019. Dit mogen nieuwe Drentse woorden zijn, woorden die regelmatig voorbij komen of woorden die je gewoon mooi vindt.

Onze zoektocht begon op 2 december bij RTV Drenthe en deze hele week kunt u uw woord insturen. Heeft u een mooi Drents woord in gedachten? Stuur het op:

Via onderstaand formulier

of per mail naar Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

of telefonisch op 0593-371010

Een deskundige jury van het Huus van de Taol buigt zich over de inzendingen, waarna het Mooiste Drentse Woord op 20 december bekend wordt gemaakt op Radio Drenthe.

De dikste pries van oeze Huusvriendenactie is wonnen deur .... de femilie W. Degeling oet Meppel. Van harte fieliciteerd!

Oet alle Huusvrienden (old en nei) is de femilie Degeling trokken. Ze bint een halfjaor leden Huusvriend worden. Op 28 oktober kregen ze oet handen van parkmanager Inge van der Greft en oeze directeur Renate Snoeijing de cheque veur een midweek of lang weekend in een zespersoonshoesie. Nou ja hoesie, zeg maor hoes. 

Wij zegt: dankjewel Landal veur het beschikbaor stellen van dizze pries veur oeze Huusvriendenactie. En dankjewel alle Huusvrienden (nei en old) veur de steun veur het Huus van de Taol!

De eerste aovend van drie aovends is nou west.Cursusleider Henk Nijkeuter hef 18 cursisten veur zuch. Een schier aantal. Ze gungen terug in de tied. Van het oldsaksisch oet 800 nao Christus tot an de 19e eeuw. Met twee week giet het wieder: van 1816 tot an 1956.

Weer een mooie cursus van het Huus van de Taol.

Vrij? 75 jaor bevrijd?  Uut de kaste? Uut de putte? Juk ofewörpen? Woensdagmiddag? Vekaansie? 

In alle gevallen hebbe wij het over vrij. 

En giet het ok over vrijheid. Vrijheid van leven, van mening, van weden wie aj bint. En het giet veural ok over vieren. De grote vrijheid en de kleine huus-, tuun- en keukenvrijheid. Mar allemaole bint ze belangriek, hoewel niet net zo belangriek veur allemaole.

In de schriefwedstried veur het Nedersaksisch vraoge wij oe het gevuul dat veur oe het beste past bij 

VRIJ?

in een verhaal te verwoorden. Verhalen over de grote en kleine vrijheid bint even welkom.

Spelregels:

Schrief een kört verhaal in een Nedersaksische variant en maak kaans op een mooie pries en plaatsing van oen verhaal in een speciale bevrijdingsZINNIG die tegen bevrijdingsdag 2020 uutkomp.

Heufdpries: € 350,-  |  Tweede pries: € 100,--

  • Elke variant van het Nedersaksisch is goed (spelling is gien probleem, daor giet het niet umme)
  • Maximaal 1.000 woorden
  • Insturen, veur 10 jannewaori an: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.
  • De jury zal bestaon uut meinsen uut de Nedersaksische taalgebieden

 

Oflopen zaoterdag is de bundel '100x Kunst op zien Drents' oetkommen. Veur maor 10 euro een prachtig boekie um ies lekker in te snuustern. En lees dan niet te rappies over de woorden hen. Misschien denk ie bij dook an een doek of verwacht ie dat een klied een kleed is. Nou, dat hej dan fout dacht. En beulen legt je hier gien strop um de nak, biesten is niet hetzölfde as beesten, een poppie is gien kleine pop, een liek is hier gien lijk. En denk ok niet dat het Drentse snakken hetzölfde is as het Nederlandse ‘ergens sterk naar verlangen’. Zo is een schoft hier gien minne kirrel.
Zuuk ok ies naor de zende, het diggelgoed, de iemenpiep en grel of eernsachtig. Gewoon umdat het zukke mooie woorden bint. En zie hoe mooi of biezunder die woorden verbeeld bint. Neisgierig? Mooi zo! 

Het boekie '100x Kunst op zien Drents' is te koop bij de boekhandel, het Huus van de Taol, het Drents Museum en op drentheboeken.com.

 

Pagina 1 van 96