Meer promotie - Huus van de Taol

IMG 6661

Elkenien har warme woorden veur Marga Zwiggelaar. Zaoterdag 7 december is heur boek Maagie in het ies prissenteerd. 45 manlu en vrouwlu zaten bij The Readshop XL !Pet in Hoogeveen te lustern naor de verhaolen. 

Marga nemp oes met naor het Hoogeveen van 1785. Der is een maagie under het ies vunden. Ze is vermoord. Hoogeveen stiet op zien kop. Schulte Eddersloot zet alle zeilen bij um het underzuuk gaangs te kriegen. In die tied hej twee schultes op 't Hoogeveen, dat is bijzunder. De gebrekkige samenwarking tussen beide schultes mak het underzuuk slim lastig.Gelukkig is kroegbaos Freerk Fernholt (herberg op het Haagje) meer dan bereid zich dermet te bemuien. Is het maagie vermoord deur een bekende? Wat is er in Hoogeveen aan de hand?

Maagie in het ies is een spannend misdaadverhaol. Een boek om in één keer uut te lezen.

Maagie in het ies is veur € 14,95 te koop bij de boekhandel en op www.drentheboeken.com.

 

In het dörp Een hebt al 9 mèensen zuch opgeven veur de Moicursus. Der kan nog aal meer bij! Dizze cursus start aargens in 't begun van aander jaor.

Veur mensen die acht aovends van de Drenthecursus wat te veul vindt of eerst ies een soort van kennismakingscursus volgen wilt, is der de Moicursus. In drei lessen van twei uur kriej een eerste oriënterende cursus over de Drentse taol, de schrieverij, de meziek en wat achtergronden van oeze previncie. Net zo underholdend as de gewone Drenthecursus, maor vanzölf lang niet zo diepgaond en oetgebreid.

Dizze cursus kost € 25,00. (Het is meugelijk dat der nog een bedrag voor zaalhuur en/of consumpties bij komp.)

Anmelden: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. of bel even 0593-371010.

 

Hej wal ies speuld met de gedachte um zölf een toneelstuk te schrieven? Of een musical? Of een revue?

Dan kuj begun aander jaor an de slag!

Het Huus van de Taol neugt je geern veur de cursus Ienakter schrieven in vief lessen en wal op 
za 18 januari van 10 - 13 uur les 1
za 1 februari van 10 - 13 uur les 2
za 15 februari van 10 - 13 uur les 3
za 14 maart van 10 - 14.30 uur les 4 met lunch
za 4 april van 10 - 14.30 uur les 5 met lunch
Metdoen an dizze cursus kost 75,- euro, inclusief koffie/ thee en cursusmateriaal.
De leste twei keer is een lunch inbegrepen. Anmelden kan bij het Huus van de Taol: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

Wij bint der slim wies met dat Martijje Lubbers nou bestuurslid worden is bij Huus van de Taol. Met heur muzikale én Drentstaolige achtergrond is ze een schiere anvulling op oes bestuur. Mooi daj derbij bint, Martijje!

Schrief een kört verhaal in het Drents of een aandere variant van het Nedersaksisch en maak kans op een mooie pries: € 350,--! Het thema is 'Vrij?' en je verhaal mag maximaal 1.000 woorden wezen. Inlevern veur 10 januari via Dit e-mailadres wordt beveiligd tegen spambots. JavaScript dient ingeschakeld te zijn om het te bekijken..

 

Jans Tabak oet Diever is oet de tied kommen. In zien dörp en wied daorboeten is e bekend. Jans was een doezendpoot. As vrijwilliger was e biekaans bie alles in Diever drok doende. Hij stun geregeld op en achter de plaanken van toneelvereniging Diever (Shakespeare). Ok was e bij de begrafenisvereniging, de hervormde kark, de fiets4daagse, stichting Vrienden van de oude kerk en zo meer. Boetendat was e keurnoot van het Huus van de Taol in de gemiente Westerveld. Het Dreints heurde bij hum.

In juli is Jans 70 worden.

 

 

 

 

 

 

 

 

 

 

 

 

 

 

 

 

 

 

 

Hej binnenkört een bijienkomst waoraj nog een spreker veur zuukt? Hej dan wal ies dacht an het Huus van de Taol? Wij bint regelmaotig op pad um Drenten en niet-Drenten te vertellen over oeze schiere taol en waorum wij het zo weerdevol vindt um Drèents te praoten.

Waw je allemaol vertellen kunt:

  • over de geschiedenis van het Drèents en het Nedersaksisch
  • waorum aj op veursprong staot aj ok een streektaol spreekt
  • over de 7 varianten van het Drèents
  • wat Drenten precies wal of niet bedoelt
  • spraakverwarring Drèents - Nederlands
  • begroeten in het Drèents
  • en nog veul meer

Daornaost kuj ok bij ons terecht veur:

  • Drentstaolige lezing over ien van oeze warkvelden: meziek, schrieverij, taolpremotie, underwies, wetenschap
  • Drentstaolige kwis (in combinatie met een körte lezing)
  • Drentstaolige pubkwis

Vanzölf praot wij ok Nederlands, dus de lezings kunt ok in een combinatie van Drèents en Nederlands daon worden. 

Veur meer informatie kuj contact opnimmen met oeze directeur Renate Snoeijing op 0593 37 10 10 of via Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

 

 

 

 

Sunterklaos is der weer. Dus tied um weer liedties te zingen, spellegies te doen en puzzels te maken die allemaol met Sunterklaos te maken hebt!

Op oeze webstee Wiesneus.nl heb we een speciaal Sunterklaosthema zet, zodaj de kinder de ankommende tied vermaken kunt met van alles en nog wat.

Groep 1 & 2

Groep 3/4/5

Groep 6/7/8

Op zaoterdag 9 november kwamen oeze taolschultes en keurnoten bij mekaar in de raodszaal van het gemientehoes van Beilen. Het programma van die mörgen was gevarieerd en gaf de anwezigen wat um over nao te praoten.

Zo begunden ze mit de ienakter 'Hartzeer bij de Hartliefs', speuld deur tenielverieniging Crescendo uut Gieterveen. Mit dizze hilarische Drentstaolige ienakter har Crescendo dit veurjaor de finale van het Ienakterfestival van het Huus van de Taol wunnen! 

Huus van de Taol Beilen Hartzeer bij de Hartliefs

Hiernao was het tied veur de taolschulte van 't Hogeveine: Yvonne Bijl-Hooijer. Zij vertelde over 'De baos & ikke', die van alles beleeft. Heur verhaolen staot um de week op dunderdag op Regionieuws Hoogeveen, mar vanzölf ok op heur Facebookpagina. Dizze morgen dreug ze twee verhaolen veur en de anwezigen hebt ongetwiefeld later nog terugdacht an de koppies die Yvonne lös in de kast har staon.

Nao een korte pauze wur het tied um de neie taolschulte veur Möppelt officieel te installeren. Bij afwezigheid van taoldrost Emko Dolfing, was plaotsvervangend taoldrost Jan Germs bereid vunden um dizze ceremonie in goede banen te leiden. Wij bint der slim wies met daw nou weer een taolschulte hebt in Möppelt. En wat veur iene!

An Arja & Renate de beurt um het publiek ies op een aandere menier naor de streektaol en het imago van de streektaol te laoten kieken. Nao een schiere prissentatie over hoe een imago opbouwd is, wat we zölf uutstraolen kunt en wilt en wat veur invloed wij as streektaolsprekers hebt op de niet-streektaolsprekers, wur het tied veur soep en kroketten.

Pagina 1 van 96