Wees ok een jonge hond!

29 feb 2016

Drents Denken, Durven, Dromen, Doen en Delen. Mit die woorden bet een groep Jonge Honden zich binnenkort vaste in de provincie Drenthe. Luuster ok naor het item op RTV Drenthe.

Het Jonge Honden Netwark, da's de officiële name van de groep, wordt op 29 febrewari 2016 geboren en probeert vanaf dan aandere jonge Drenten enthousiast te maken um ok mitan te doen. Het Jonge Honden-virus mut zich as een eulievlek verspreiden. Op een brutaole, eigenwieze en frisse wieze.

En de daotum 29 febrewari is niet veur niks ekeuzen! Zo blieft Jonge Honden altied jong!

De Jonge Honden hebt as doel um jonge Drenten te stimuleren om Drents te Denken, Durven, Dromen, Doen en Delen. As Drent maj eziene worden. Ie magt der trots op wezen daj een Drent bint! Laot oe heuren!

Bewust maken

Het Jonge Honden Netwark bestiet uut negen Jonge Honden uut alle hoeken van Drenthe. Drenthe. Zij wilt aandere jonge Drenten zich der bewust van maken hoe weerdevol het Drents en Drenthe is en hoe aj dat in de maatschappij plaatsen kunt.

De Jonge Honden

Net nao de zomer kwamen der een paar jonge Drenten, in overleg mit streektaalorganisatie Huus van de Taol in Beilen, op het idee um een jongernplatform op te zetten. De groep greuide langzaam groter en zo ontstund ofgelopen naojaor het Jonge Honden Netwark, mit een frisse blik op streektaal en cultuur. De groep wil de Drentse taal en cultuur stimuleren en dan juust bij jongern. Dat wilt ze doen deur aandere jonge Drenten enthousiast te maken en an te spreken mit acties op het gebied van taol en cultuur.

Social media

Het Jonge Honden Netwark giet in eerste instantie veural via deur de social media aandere jonge Drenten proberen te bereiken. Ook wilt de Jonge Honden zich ansluten bij bestaonde activiteiten. Uuteindelijk bestiet de wens um in de toekomst zelfstandig een evenement te organiseren. De club sluut daornaost toekomstige uutbreiding naor aandere Nedersaksische taalgebieden ok zeker niet uut.

Meer weten? Volg vanaf 29 februari het Jonge Honden Netwark op Facebook, Twitter en Instagram. En ok via mail bint de Jonge Honden bereikbaar: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.