Op elf zundagen kuj in dizze winter naor Taal an Taofel. In Noord-Slien, Dwingel en Vreis kuj luustern naor streektaolige…

Tiedens de Nacht van de Nacht op zaterdag 27 oktober kuj in groepies rondkuiern deur de duustere bossen van het Dwingelderveld en duuster Lhee. As dielnimmer kuj angeven oj starten wilt um 19.00, 19.30 of 20.00 uur.

Tiedens pauzes underwegens kuj luustern naor Dreintse gedichten en verhalen. Nao twee uren kuiern wacht je een kop snert of vegetarische mosterdsoep in Bospub De Boerdennen bie Lhee.

Reserveren kan tot en met dönderdag 25 oktober 17.00 uur via e-mail: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. of tel. 0521-597396.

Abel Darwinkel hef 15 jaor bij Drentse Taol / Huus van de Taol warkt as Streektaolfunctionaris. Hij is non 50 en das veur Abel reden um ies um zuch hen te kieken buten het Huus. Zaoterdag 29 september was het ofscheid bie het Huus van de Taol in het gemientehuus van Midden Drenthe in Beilen. Sprekers waren de veurzitter van stichting Huus van de Taol Anne Doornbos en directeur Jan Germs vanzölf. Boetendat was emeritus professor Siemon Reker der ok um wat te zeggen. Hij kreeg uut handen van Abel zien neiste boek: het Drents Verkleinwoordenboek.

Het wur een gezellige middag in Beilen. Het personeel van het Huus har een 'Petje op, petje of-kwis' over Abel maokt. Met een lach leup de middag op zien ende.

Abel, stief bedankt veur al dien wark veur het Drents! En gloepens veul succes op je neie pad.

WIN KAORTEN VAN FC EMMEN!
H U U S V R I E N D E N A C T I E 

Het Huus is op zuuk naor neie donateurs, die bij oons Huusvrienden nuumd wordt. Um de boks op holden te kunnen én um mooie dinger veur de streektaol doen te kunnen én um lu bij de organisatie te betrekken, is het mooi as der veul huusvrienden bint. Gelukkig bint er al umdebij doezend mèensen die een donatie geeft, maor under de aandere 485.000 inwoners van Drenthe bint er vast ok nog een hieleboel die wies met het Drents bint. Veur nog gien euro in de maond (€ 10,-- in ’t jaor namelijk) bi’j al huusvriend. Anmelden kan deur te bellen: (0593) 371010 of te mailen: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.. En dan kriej ok nog een schier kedogie.

>>> WIN KAORTEN VAN FC EMMEN
Aj veur 1 november minstens tien neie Huusvrienden anbrengt, kriej twee vrijkaorten veur de wedstried FC Emmen - NAC Breda van 10 november ankommend. As der hiel veul lu tien neie Huusvrienden vindt, kriej kaorten van een aadere thoeswedstried van FC Emmen.

>>> Boeten de Emmen-actie heb wij nog een actie: Under de neie Huusvrienden verloot wij drie nuvere verrassingspakketten van het Huus van de Taol. Dizze actie lop tot 1 december.

WEES WIES MET DRENTS EN WOR HUUSVRIEND!

Het Huus van de Taol organiseert al jaoren de Drenthecursus, een cursus van aacht aovends over de Drentse taol, cultuur en geschiedenis. De cursus kost maor 55 euro en daor hej ’t cursusboek veurgeefs bij. De leste jaoren doet der an de cursussen van het Huus van de Taol aal meer mèensen met. Zie wilt allemaol meer weten over de Drentse taal en cultuur. 

Een jaor of wat leden hef het Huus van de Taol het cursusmateriaol verneid met neie Drèentse liedties en Drèentse schrieverij van de leste jaoren. Het cursusboek hef ok een neimoodse oetstraoling kregen. En sinds een jaor of twee bint der aal meer cursussen. De cursussen bint interessant veur echte Drenten mor ok veur mèensen die nog maor net in Drenthe woont. Juust een gemengde groep van neikommers en echte Drenten maokt zu’n cursus interessant. An een cursus kunt tussen de 10 en 16 mensen metdoen.

Onderwarpen die an de orde komt, bint vanzölf de Drentse taol en alles wat daor bij heurt zoas:  woordenschat, oetspraok en grammatica, maor der huuft gien saaie rijgies woordties of vervoegings leerd te worden. Der wordt ok oetgebreid stilstaon bij de Drentse literatuur en de Drèentse meziek. 

In oktober – november 2018 staot der Drenthecursussen op de agenda in de plaotsen Roneresch, Beilen, Börk (Westerbork), Vaalt (Valthe), Rune (Ruinen) en op Erica. Veur goenend die de Drenthecursus al daon hebben, is der de vervolgcursus Dieper deur Drenthe, die holden wordt in Beilen en Nijevene. Aj geïnteresseerd bint in de spelling van het Drèents kuj metdoen an de spellingcursus in Dwingel. In ’t Broekhoes in Baoling kuj een körte cursus van drei lessen volgen: de Kom in de Kunde-cursus.

Woj in je eigen woonplaots een cursus organiseren? Bel of mail dan even met het Huus van de Taol. Anmelden veur ien van de cursussen kan via telefoonnummer 0593-371010 of via e-mail: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. . Veur meer informaotsie kuj ok contact opnemen met het Huus van de Taol.

Het verbetern van het Drents en Duuts in het Drentse onderwies blek goed te gaon. Gedippeteerde Staten stelt daorum veur um het project te verlengen en te steunen mit twee ton. In 2015 bint Stenden Hogeschool en het Huus van de Taol begund mit het project Bevordering Drents en Duits in het onderwijs. Een aantal Drentse basisschoelen hebt uutgebreid aandacht besteed an de Drentse en Duutse taal. Ok bint der Drentse basisschoelen ekoppeld an Duutse Grundschulen. Der bint over en weer bezuken ofelegd en der bint websites ontwikkeld waor Drents en Duuts lesmateriaal te vienden is. Kiek veur meer informatie op de website van RTV Drenthe. en op dizze website.
Of lees het persbericht.



Studenten van de pabo in Emmen bint drok met meertaoligheid en dan komt het Drents vanzölf ok um de hoek kieken. Ien van de opdrachten was dit veurjaor um een meertaolig prentenboek te maken. "Guppie wil een goldvis worden" - maakt deur Kiara Lok, Sabine Meijering en Evelien Vos - stiet undertussen op de wiesneus-website. Kiek maor ies op die mooie website: wiesneus.nl 

 

In de Achterhoek is deur het Erfgoedcentrum Achterhoek en Liemers het tiedschrift Wiesneus uutegeven. As veurbeeld gebruukte dit centrum de bekende Wiesneus van het Huus van de Taol. Troubadour Hans Keuper zal op 11 juli muziek maken en verhalen vertellen tijdens de priesuitreiking van het streektaalproject Wiesneus. An dit project deden meerdere basisschoelen in de Achterhoek mit. As de plannen deurgaot en der wordt al drok over vergaderd dan zal er veur een groot deel van het Nedersaksisch taalgebied volgend jaor een gemienschappelijke Wiesneus uutkomen. Ieder in zien eigen streektaal vanzelf!

Pagina 4 van 52