Alles van het Huus van de Taol (behalve de personeelsleden) stiet in deuzen te wachten um maandag en dinsdag verhuusd te worden naor het neie plekkie an het Raadhuisplein in Beilen. Wij probeert vanzelf alle warkzaamheden gewoon deur te laoten gaon, maar wij rekent op begrip bij niet bereikbaar wezen of bij storing in 't mailverkeer.

Het provinciaal literair festival Zomerzinnen wordt dit jaor eholden op zaoterdagavond 20 juni in Emmen. Der is ekeuzen veur een sportieve invalshoek: voetbal - een populair boekenthema -  en wielrennen, umdat het festival samenvalt mit het NK wielrennen in Emmen. De JENS Vesting, het stadion van FC Emmen, is hierveur een barre mooie plek.Kiek veur optredens en gasten op www.zomerzinnen.nl 

Van15 mei tot 7 juni 2015 kuj in de schuur van het akkerbouwbedrief van de familie Schipper-Elberse in Nei Bunen genieten van Iemandsland. Dizze muzikale theaterveustelling is een combinatie van satire, drama, realisme en bizarre fantasie. Het giet over de herinnering an en de gevolgen van een leven in de Veenkolonies in de zeuventiger jaoren. Iemandsland is inspireerd op de Grunnings/Drentse liedties van Bert Hadders en de Nozems en wordt espeuld deur noordelijke acteurs.

Op oonze neie stee in het gemientehuus van Beilen begunt der metiene ok een neie mitwarker an zien dienstverband bij de streektaolorganisatie. Deur het vertrek van Loes van der Laan naor RTV Drenthe was der een vacature ontstaon. Mit ingang van 15 mei ankommend begunt de 23 jaorige Erwin Kikkers uut Coevern bij het Huus van de Taol as algemien metwarker.Erwin hef de schoele veur journalistiek bezöcht en daornao is e bureauredacteur bij RTV Drenthe eworden. Erwin is benuumd veur 16 uur in de week en het Huus van de Taol is barre wies mit zien komst!

Maar liefst 219 kiender namen de meuite um heur oplossingen van de puzzel op te sturen naor het Huus van de Taol. Allemaole hiel arg bedankt daorveur! De priezen bint bekend. Wij wacht niet langer... hier koomt de namen!

Naombredties en borden binnen meeisttied in de standaardtaol, mor gelukkig binnen der ok mèensen die heur hoes, winkel of gebouw een Drèentse naom geven hebben. En paartie winkels en bedrieven maoken zölfs reclaome in ’t Drèents. Dat vindt ’t Huus van de Taol vanzölf mooi.

Het Huus van de Taol is daorom in saomenwarking met Bureau Groninger Taal en Cultuur foto’s an ’t verzaomeln waorin de streektaol een prominente plaots hef. Wij neuimen ‘t Oog Veur Streektaol. Dat is in oous geval dus Oog Veur Drents.

As der bij joe in de buurt een Drentse tekst op een hoes of een bred steeit, maok der een mooi petret van en stuur joen foto in! Wij plaotsen de mooisten op oouze webstee. Zul mooi weden as der een koppel Drenten metdooun an Oog veur Taol en dizze zichtbaore stukkies Drèents van de tegenwoordige tied vaastleggen.

Stuur joen foto an Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. en zet joen gegevens der even bij.

 

  • RodentOlle Posthuus
  • optLoughoesinEelde
  • olle posthuus-siemon reker
  • Jumbo
  • wilmboer3
  • wilmboer1
  • wilmboer2
  • wilmboer4
  • washokke gea tiemens
  • t heinenhoes- siemon reker
  • tante sweel
  • t boelhuus
  • t nije stee nietap
  • tshirt
  • twiegenpad
  • sporthal borger
  • stobbenakker
  • sinterklaas kinderen 015
  • stobbe
  • smikkelhoekie
  • ronerborg roden
  • poepershoek
  • schaopwas langelo
  • reclametekstoogveurstreektaal
  • salon t scheertje norg
  • plusfotovergrootoogveurstreektaal
  • optochtuffelte2geatiemens
  • op het iemenland-siemon reker
  • optochtuffelte3geatiemens
  • optochtuffeltegeatiemens
  • ot en sien neutjeschieten roden
  • oogveurstreektaolwesterbork
  • olde gemientehuus brk
  • oogveurstreektaalgevel2
  • oogveurstreektaalgevel
  • oldboshoes
  • oogveurstreektaalauto
  • ons huis 022
  • oldend
  • oogveurstreektaal
  • kopzorgn
  • nedersaksische plaatsnaam wesnes westenesch 001
  • krek
  • loonwark
  • oesstee
  • keernpunt6
  • oal diek
  • keernpunt5
  • neimoeds
  • oestilber
  • nei stee-anderen-siemon reker
  • mieghummelnust
  • keernpunt4
  • keernpunt2
  • keernpunt1
  • huusmus
  • keernpunt3
  • img-20131123-wa0000
  • holtstukken
  • heinenhoes
  • hijkerommetje
  • geertjeenting4
  • geertjeenting5
  • fietserije gea tiemens
  • frensenhoes juni 2013
  • de roegte roderesch
  • aldiborger
  • borjkerheide
  • dlderwetsebakkerieje
  • abel
  • aanderhoes

Oonze keurnoot Aagje Blink en mit heur nog een koppeltie aandern spreekt op verzuuk in het Drents op begrafenissen. Zij döet dit as vrijwilliger van het Humanistisch Verbond. De Humanistische Uutvaartbegeleiding (HUB) leidt as ien van de weinige instanties sprekers op. Sommigen gaot daornao as ZZP-er an de slag, aandern zoas o.a. Aagje blieft dat op vrijwillige basis doen.  Veur meer informatie kuj terecht bij Aagje Blink (0591 513953) of bij de Humanistische Uutvaartbegeleiding  0900 3302020

Pagina 52 van 55