Twee neie Taolschultes wurden deur oonze Taoldrost Emko Dolfing installeerd. Leny Hamminga (rechts) volgt Herma Stroetinga in de gemeinte Tynaorl op. Yvonne Bijl-Hooijer (links) volgt Henny van der Haar in de gemiente 't Hoogeveine op.

OONZE REINA IS HULDIGD! FIELICITEERD REINA!

Reina Zwiers oet Slien is ok vrijwilliger bie het Huus van de Taol. Jaorenlang depotholder van Het Drentse Boek. Vief keer in 't jaor giet ze naor de boekhandels met oonze neie boeken. Ok is ze - saomen met Gloria Sommer - de vrouw achter Taal an Taofel in Noord-Slien. Boetendat is ze aal wonsdaogen in het Huus in Beilen te vinden. Ok is ze keurnoot van het Huus van de Taol. Het hiele jaor deur is ze drok doende met het Drents. Dikke smok veur Reina!

coevordercourant.nl
Noord-Sleen - Mevrouw Reina Zwiers-Hollander uit Sleen kreeg…

De Drenthecursus in Hollaandscheveld zit der op. Twaalf cursisten (drie nei-Drenten, Een Nedersaks uut Woudenberg, iene uut De Krim en iene van de Stellingwarven, een Fries en vief Drenten) zorgden veur een barre mooie en gezellige en hopelijk veur heur ok leerzame cursus! De twee juffen waren in elk geval gloepends tevreden!

Bij de opening van de neie expositie van wark van Harm van Ballegooijen bij het Huus van de Taol in Beilen, hef Harm een schilderij van het Huus an het Huus van de Taol kedo daon.
Het lösdoen van de expositie wur opvrolukt deur de meziek van gitarist Jaap Klok en de veurdrachten van de dichters van het "Light verse collectief".

Je kunt de kunstwarken tiedens kantooruren bekieken bij het Huus van de taol, Raadhuisplein 1 in Beilen.54436743 2007343612697364 1042992757263564800 o

2019 drents eenakterfestival foto Anneke Bloema 5

Veur de darde keer stun tenielverieniging Crescendo oet Gieterveen in de finale. Oflopen zaoterdag is 't ze lukt! De jury in schouwburg Ogterop in Meppel was unaniem: Crescendo is met het stuk Hartzeer bij de Hartliefs! de beste.

Oet handen van de juryleden Marga Kool, Jurr van Dalen en Koos Smit kreeg de tenielverieniging de kei van het Huus van de Taol. Aal twee jaor organiseert wij het ienakterfestival Kört&Goed. De veurrondes waren dit jaor in Zeijen, Noord-Sleen en Ruinerwold. 10 tenielgroepen hebt metdaon. Oflopen zaoterdag was de finale in schouwburg Ogterop in Möppelt. Veer Drentse éénakters van krap een half uur stun op het podium. Naost Crescendo stun Rederiekerskaomer UDI Runerwold, De Madammen oet Stadskenaol en de Rederiekerskaomer Börger in de finale.

Het stuk Hartzeer bij de Hartliefs! is baseerd op de ienakter van Carl Slotboom. Regisseur André Rosing hef der een hilarische Drents-taolige ienakter van maokt met daorin volk dat op zuuk naor de liefde giet! De jury van het festival was slim wies met het saomenspel en de kwaliteit van de speulers. As veurbield wur speuler Mark Roossien nuumt. Hij speulde de nog aal thoeswonende Egbert Warrink en zien eerste stappies op het dating-pad.

Het ienakterfestival Kört&Goed hef zu'n 600 bezuukers trokken. Het Huus van de Taol wil in 2021 weer een festival organiseren. Ok komt de rin het ankommend jaor een ienakter-schriefwedstried.

Foto’s: Anneke Bloema The Factory II

Foto 1: De speulers hebt de eerste pries kregen van de jury.

Vlnr: André Rosing, Henriëtte Rossingh, Marianne Braam, Mark Roossien, Geert Wigchering

Achterste rij: de juryleden Koos Smit, Jurr van Dalen en Marga Kool

Foto 2: Crescendo speult Hartzeer bij de Hartliefs!

fullsizeoutput 4ccb foto 2

In de Meertmaond Streektaolmaond hef het Huus van de Taol het drok. En daor bint we slim wies met! Heul veul scholen wilt oons geern over de mat hebben. Een paor honderd vrijwilligers bezuukt de kinder um veur te lezen. 26 000 kinder hebt de Wiesneus kregen en daor is ok oet veurlezen.

Zo ok in Nijevene op OBS Commissaris Gaarlandt. (Foto's: Johan Pekel)Wiesneus 2019

BEILEN - Het Huus van de Taol en de Emsländische Landschaft bint naor „Poetry Slammers“ op zuuk. Jongen en wichter vanof 16 jaor, die met een bizundere wedstried met an wilt doen.

Op 22 juni – tiedens literatuur- en meziekfestival Zomerzinnen – is de woorden-wedstried tussen vier Plattdüütsch sprekende en vier Drèents sprekende slammers. In Dwingel draogen de dichters hun gedichten vol energie an het publiek veur.

Een jury en het pebliek bepaolen wel het beste is in de veurdracht, de dichtkunst en de performance.. De heufdpries is € 250. Der is een open dielname en dus is het Huus van de Taol op zuuk naor Drèentstaolige dichtkunstenaors, die hun gedichten op vurige wieze kunnen veurdraogen kunt. Minimum-leeftied is 16 jaor. Opgaove via mail: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.. De deadline veur opgaove is 30 april 2019.  De wedstried mak diel oet van het project GrenzKultur van de regio’s Emsland, Graafschap Bentheim en de previncie Drenthe.LOGO ZOMMERSLAM

Gedipputeerde Cees Bijl opent Meertmaond-Streektaolmaond. Hij prissenteert de neie Wiesneus en gef de winnaors van "In elk kind zit een verhaal" hun beker.

ASSEN - Met een handdruk hef gedipputeerde Cees Bijl de Meertmaond-Streektaolmaond lös daon. Dat dee e op kindcentrum Valkenhorst in Assen. Het was der slim gezellig. De kinder van de Valkenhorst hadden 2 Drèentse liedties instudeerd. Bie het lied "Veur de Keuning" gungen de wichter met lange haoren hielemaol lös. Bie toeren was 't net een headbang-concert ;-)

Taolschulte van Assen, Rinus Bouwmeester, las het verhaol ''De leeuw en de moes" veur. Dat was een schiere inleiding op de prissentaotie van de neie Wiesneus. Gedipputeerde Cees Bijl gaf de eerste Wiesneus 2019 an de klas en verhaolde over het grote succes van de Wiesneus. In Drenthe is het blad geboren en dit jaor veur het eerst ok vertaold in het Grunnings, West-Overiessels, Twents en Achterhoeks. De Wiesneus is dit jaor meer as 50.000 keer drukt en en geliek zo veul kinder in het Nedersaksische Taolgebied kriegen der ien.

Het belangriekste van vandaog was de priesoetreiking van het project "In elk kind zit een verhaol". Kinder oet hiel Drenthe (bovenbouw) hebt verhaolen schreven rond het thema "Geheim". Oet de honderden verhaolen hef de jury 5 winnaors keuzen. Op de eerste plek en dus met de grootste beker: Puk Langedijk van groep 8a van de Jan Thiesschool in Rolde met het verhaol "Supergeheim". Op de 2e plaots: Chris Steens van Beilen, Demi Helmhout van Westervelde, Gijs Straathof van Echten en Giel van Anloo.fullsizeoutput 4ace

Pagina 2 van 52