Schriefwarkgroep Huus van de Taol

Streektaolorganisatie het Huus van de Taol hef al een jaor of wat een schriefwarkgroep waorin talentvolle schrievers begeleid wordt um nóg beter te worden. Schriefcoach Baukje Bloemert (jaorenlang redacteur bij oetgeverij Het Drentse Boek) daagt de schrievers oet met opdrachten, samenwarkingen en verrassende underwarpen.

Veur het seizoen 2022-2023 is keuzen veur een aandere opzet, waorbij de dielnimmers 3 hiele zaoterdagen met mekaar an de slag gaot um te kommen tot verbrieding en verdieping (in plaots van ien, altied te körte, aovend per maond).

As locatie is keuzen veur de Theaterschuur in Linde, zodat het ok makkelijk is veur schrievers oet aandere Nedersaksische gebieden um an te sluten.

De eerste bijienkomst is op 8 oktober van 10.00-16.30 uur.

Kosten bint € 10,- per schriefdag en daor zit koffie/thee/lunch bij in. Aj belangstelling hebt, dan moej je inschrieven veur alle 3 dagen. Totaalkosten bint dus € 30,-

Schrief ie ok wal ies wat in de streektaol en lek het je wal wat um metan te doen? Vul dan het formulier hierunder in. Op dit moment bint er nog een koppel plekken beschikbaar.

Schriefwarkgroep

Velden met een * moej altied invullen