Delia Bremer

Delia Bremer (Hoogeveen, 1969) is al sinds heur elfde jaor gangs met schrieven, dichten en tieken.

Delia Bremer (1969)

Zij treedt geregeld op, begeleidt creatieve prejecten en hef een  boeken in eigen beheer oetgeven. Delia kreeg in 2006 de publiekspries van het literaire evenement ‘Lief ‘ in Hasselt, België.
Zij schreef liedteksten veur de SDMM (Stichting Drentse Muziek Maatschappij) en veur verschillende singersongwriters.

In 2009 kwam bij Het Drentse Boek Minnezinne oet: een bundel met erotische Drentse poëzie. Zie schreef dizze bundel samen met Ria Westerhuis. De schriefsters hebt der veul andacht met kregen en bint der zölfs met op de landelijke tillevisie kommen. Bij de daarde druk van Minnezinne is een cd verschenen waorop Ria Westerhuis en Delia Bremer heur gedichten oet Minnezinne veurdraagt.

De vrije gedichten van Delia beschrieft ervarings vanoet een ik-figuur. Ze gaot over verlangen, lichamelijkheid en de teleurstellings van wunnen en verleuren liefde.

Delia Bremer treedt al zo’n twintig jaor op in samenwarking met muzikanten in theaters en op festivals. Delia mak ok kunstwarken waormet zij geregeld exposeert. Het bint kunstwarken met een verhaal waorin verschillende materialen zoas iezerdraod, holt en papier in laogen verwarkt wordt.

Delia hef een eigen website: www.delibre.nl.

Boekpublicaties:

  • Hemelkind (dichtbundel, 1992);
  • Een koe met schaatsen aan (kinderboek, 2000);
  • Gebundeld (ge) dicht (verzameldichtbundel, 2001);
  • Woordsprongen vanuit een kindermond (kindergedichten, 2004);
  • Grand Cru (gedichten over verleuren en wunnen liefde, 2007);
  • Hart & Zacht (verzameldichtbundel, 2008);
  • Minnezinne (erotische gedichten, met Ria Westerhuis, 2009)
  • Hongerplooien (erotische gedichten met Egbert Hovenkamp II, 2014)
  • Liefdelakens (gedichten over verleuren en wunnen liefde, 2014)
  • Reinedoeken (gedichten over verleuren, ongeboren kiender, 2014)
  • Minnezinne in Moerstaal (erotische gedichten met Ria Westerhuis, 2019)

 

Een gedicht van Delia:

en oe
oe heb ik lief
oen strakke billen
en oen harde lief

oen haanden
die op zuuk gaot
naor alles wat mar warm is
zacht is
alles wat mar trilt
onder oen vingertoppen
dat zuuk ie op
alles wat mar
gewillig naor oe toe gled
neem ie an

pak mij mar

en wat een aander
ok zeg
ik holle van oe
oen strakke billen
oen natte lippen op mien lief

ja…
oe allennig
oe heb ik lief

(oet Minnezinne)