Abel Darwinkel

Abel Darwinkel (*Assen, 1968) is deur zien olders grootbracht met de Drentse taol van Nörg.

Abel Darwinkel (1968)

Nao de HAVO en het Atheneum hef e een jaor in Lyon woond, waor e goed Frans praoten leerd hef. In de jaoren 1990 hef e Frans en Algemene Literatuurwetenschappen studeerd an de RUG in Stad, zunder ien van die studies of te maken. Toen e oetstudeerd was, hef e een jaor of wat in de journalistiek warkzaam west. Daornao was e tot oktober 2018 as streektaolfunctionaris verbunden an Stichting Drentse Taol / Huus van de Taol en hef vanoet die functie verscheiden publicaties op zien naam staon.

Hie is u.a. bekend worden van zien vertaoling in het Noord-Drents van het beroemde boek Le petit prince van Antoine de Saint-Exupery (2009). Naodat Abel Darwinkel stopt was as streektaolfunctionaris bij het Huus van de Taol hef e zien eigen oetgeverij opricht: Bij Abel. Daor is ok zien eerste verhalenbundel Waotertrappeln oetkommen (2019).

Abel woont met zien vriendin in Appelscha, hie hef drie zeuns en een dochter. Op 1 jannewaori 2021 begunt e as directeur van de Stellingwarver Schrieversronte.

Hie hef zien eigen website: www.abeldarwinkel.nl.  

Boekpublicaties:

  • Moi! Taalgids Drenthe (2005, samen met Harry Slot en Jan Germs);
  • Molentaal, de meul wet van gien wieken (2007);
  • Noord-Drentse vertaling ‘Le petit Prince’ van Antoine de Saint-Exupéry (2009);
  • Taolkiekjes uit Groningen en Drenthe (2012, samen met Siemon Reker);
  • Strunen in de Taoltuun (2014);
  • Op stee, Drentse en Groninger plaatsnamen verzameld (2015);
  • Drents-Gronings telwoordenboek (2017);
  • Drents verkleinwoordenboek (2018);
  • Waotertrappeln (2019, verhalen).