Albert Dening

Albert Dening is in 1873 geboren in Slien.

Albert Dening (1873-1949)

Zien pap en mam hadden daor een café/logement en ok een stalholderij en boerderij. Tot zien 24e bleef Albert Dening in Slien en was e knecht bij zien pap op de boerderij. Maor Albert kun meer en in zien vrije tied gung e an de studie. Hie kwam an ’t wark bij de douane. Eerst in Groenlo, later in Beek (bij Zevenaar in de buurt) en via Zuidland op Voorne-Putten kwam e in 1913 in Amsterdam te laande.

Met schrieven begunde Albert Dening pas nao zien pensioen in november 1934. Hie schreef schriften vol verhalen die e benaom an femilie veurlas. Maor hie is best een veulgelezen dialectschriever worden.Zien verhaal Um d’olde toren verscheen in 1939 in 48 ofleveringen as feuilleton in het Agrarisch Nieuwsblad. In wat verkörte vörm en met kleine veraanderingen kwam Um d’olde toren in 1944 oet as boek (met toestemming van de Kultuurkamer!). In 1949 kwam Oet oes eigen Drenthe. Een bundel korte verhalen uit het land van hei en struiken oet. Dizze verhalen hadden eerder in de Provinciale Drentsche en Asser Courant staon. Albert Dening publiceerde ok in Maandblad Drente.

Boekpublicaties:

  • Um d’olde toren (1939);
  • Oet ’t olde darp (1947);
  • Oet oes eigen Drenthe. Een bundel korte verhalen uit het land van hei en struiken (1949).