Peter Hendriks

Moi, ik ben Peter Hendriks van “Uitvaartzorg BijZonder”. Angenaom!

Peter Hendriks

Peter Hendriks Drents spreker Huus van de Taol

Ik woon met mien mooie gezin in het schiere Tynaorl, maor bin geboren en opgruid in Raol. Hier he’k zu’n 40 jaor woond. (Nou weet je geliek mien meneer van Drèents praoten.)

Veur mien plezeer speul ik teneel in het Drèents en heb hierveur ok bij verschillende teneelverenegingen regisseerd. Jammer genog geet dit lèeste niet meer saomen met mien wark as oetvaortverzörger. Ik kan je as oetvaortverzörger daorum ok in ’t Drèents te woord staon en de deenst in de Drèentse taol verzörgen.

Naoda’k meer as 30 jaor in de zörgondersteuning warkt heb, he’k in 2015 mien weg vunden in de oetvaortbranche en bin’k in 2018 begunnen met ‘Uitvaarzorg BijZonder’.
Ik mag met hart en ziel de naobestaonden helpen um degene die der niet meer is eer aan te doon. Daor krieg ik heel veul leefde en dankbaorheid veur terug. Messchien raor um te zeggen, maor oetvaortwark kan slim mooi wark wezen!

Ik heb in mien leven veul leerd over umgaon met mèensen, het regeln van bezundere deenstverlening en het zeuken naor meugelijkheden die der eerst niet leken te wezen. Daornaost he’k ok minder mooie momenten had in ’t leven.
Dizze kennis en mien meneer van warken he’k metnummen naor de oetvaortwereld.

Bij mij kuj terecht veur traditionele begraofenissen en cremaoties, maor het kan ok aans aj dat wilt.  Helemaol  passend bij de persoon die oet de tied kommen is. Zo klein of groot aj wilt. Elkeneen is bezunder en uniek en hef recht op een bezunder weerdevol ofscheid, dat past bij hoo de persoon was.

A’j meer wilt weten over mij:
Mien kantoor steet an de Gieterstraat 33 in Raol.
Van maondag t/m vrijdag he’k  van 09.00 tot 12.00 uur de achterdeur lös veur het inloopspreekuur. Koffie of thee is zo maokt.

Aj zeker wilt wezen van een ofspraok, bel dan: 0592 85 34 35 of
whatsapp 06 55 777 145. Aj lever hebt da’k bij je in hoes kom, dan regel we dat!

Hartelijke groet,
Peter Hendriks

webstee: www.uitvaartzorg-bijzonder.nl
lienpost: info@uitvaartzorg-bijzonder.nl

Postadres: Berkenlaan 20 9482 RL Tynaarlo