Ans Klok
Ans Klok is geboren in de buurtschap Lhee, toendertied gemiente Dwingel. Ze verhuusde op zeuvenjaorige leeftied hen Dwingel zölf. Nao de legere schoele gung ze hen de MULO waor ze nao veer jaor mit het diploma A mit wiskunde ofstapte. Opstellen schrieven was niet allent móeten, ze speulde graeg mit taol. Drekt an ’t waark, tot 1977 kantoorbaenen bij het Ministerie van Volkshuusvesting en laeter Ministerie van CRM.
Meer dan twintig jaor waarkte ze as neisvergaerder en opmaeker, de laeste tien jaor daorvan veur NDC Mediagroep, Dagblad van het Noorden. Sinds juni 2013 is ze mit pensioen.
Ans Klok was/is op verscheiden culturele terreinen actief; ze was veertien jaor bij de cabaretgroep ‘Met Blijdschap’ uut Dwingel en vermèuk mit de aandern veural ook Drenten in de vrömde mit eigen teksten veur sketch en lied. Ze schreef en regisseerde dorpsrevue’s en neijjaorsconferences, prissenteert zangaovenden en mode- en kledingshows en is sinds 2000 buitengewoon ambtenaar van de burgerlijke stand, trouwambtenaar dus, waormit ze ook heur ei in de toespraoken in de streektaol kwiet kan.
Ans Klok is graeg mit de streektaol gangs; in meert 2005 verscheen heur bundel ‘Grondnevel’, waoruut ze geregeld veurdrag. Nog aid schref ze verhaelen en gedichten. Wieder waarkte ze mit an verscheiden dichtbundels die her en der verschenen.
In febrewaori 2008 wordde ze deur Het Huus van de Taol in Beilen anesteld as Taolschulte, tegenswoordig het dat streektaolambassadeur, veur de gemiente Westerveld. In Dwingel organiseert en prissenteert zij in die functie onder meer
‘Taal an Taofel’, een pregramma waorin schrievers en muzikanten heur in de streektaol laot heuren. Sinds april 2014 is ze gediplomeerd streektaoldocent en mag ze dus les in de streektaol en alle aandere cursussen die het Huus van de Taol op de plaanke hef liggen, geven.
Ans giet geregeld mit eigen verhaelen en gedichten op pad; dat ze heur verhaelen op een cabareteske wieze brengt, komp nog altied van heur cabaret-aachtergrond. Hiel wat uutbundiger dan veurlezen.
Ans Klok 0512-592468
ans.klok@ziggo.nl