Streektaolambassadeur Aa en Hunze

aa en hunze vrijwilligers

 

(De vrijwilligers van) Het Huus van de Taol in Aa en Hunze

In de gemeente Aa en Hunze wordt veul Drèents praot. Gelukkig maor, want het heurt – net as in de hele previncie – as botter bij de stoet. Dree van de zeuven Drèentse varianten die Drenthe kent, praot we met hier mekaor: het Veenkoloniaols (VK), Midden-Drèents (MD) en Kop van Drenthe (KvD).

Um oonze streektaol levendig te holden en an te jaogen is der een groep mèensen het jaor deur drok bezig. De Streektaolambassaseur en de Streektaolvrijwilligers van het Huus van de Taol in Aa en Hunze bint reur met het organiseren van activiteiten rondum oonze Drèentse taol.
In de meertmaond leest zij in de gemeente in de streektaol veur op alle baosisscholen en bij de kinderopvang. Ze kriegt hierbij hulp van een groot aantal veurlezers. Ok mugt de vrijwilligers heur in dizze maond zeen en heuren laoten bij een gemeenteraodsvergaodering.

 

Het hele jaor deur gaot ze op pad met het spel ‘Wel hef geliek’: een spel waorbij ze een old veurwarp toont. Der wordt dree antwoorden geven, waoj oet raoden moet welke de juuste is. In overleg kan der een (kört) verhaol veurlezen en/of een gedicht veurdraogen worden.
Daornaost kuj de vrijwilligers laoten kommen um saomen een ‘Broescursus Drèents’ te holden. Je kunt hierbij laoten zeen waj almaol al weet over Drenthe en/of Drèentse zaoken en zij vertelt je vast en zeker ok wat over dingen die het Huus van de Taol anbelangt. Veur het spel ‘Wel hef geliek’ of de Broescurus kuj de club een dagdeel inhuren. Ok kuj beide spellen speulen. In overleg kuj angeven waj geern wilt.

Netuurlijk wordt aal jaor in de meertmaond, argens in de gemeente, de Streektaolstried (pubquiz) speuld.

Wieder kuj oons tegen het lief lopen bij een taolkraom op één van de markten/fairs of aandere activiteiten in de gemeente.

Bij genog belangstelling kunt der in Aa en Hunze cursussen van het Huus van de Taol geven worden. Meer informaotie hierover kuj vinden op de website van het Huus van de Taol: www.huusvandetaol.nl

Bin’j neischierig worden, hej vraogen, ideeën of suggesties over alles wat met Drèents te maoken hef? Nim per tillefoon contact op met één van de understaonde personen of stuur een mail naor jghartlief@ziggo.nl

Wij helpt je geern!

Gewoon… umdat de Drèense taol een mandelig bezit is, waor wij met mekaor zunig op weden moet!

 

 

Streektaolambassadeur Jan G. Hartlief, Gieten
06-46325905

Streektaolvrijwilligers


Gea Aling-Hoving, Annen
06-22608898

Janny Bruins, Rolde
06-23991514

Jacco Fluks, Rolde
06-25330795

Arendje de Jonge, Anloo
06-12907722

Roelie Meijering, Eext
06-14967724

Anton Postema, Gasselte
06-12952635    

Rienus Kok, Eexterveenschekanaal
06-24896185

Hillie Reitsema, Annen
06-48831726

Katrien Eggens-ter Heide
06-14646995