Veur de gemienten Börger-Oring, De Wolden en Möppelt biw op zuuk naor veurleescoördinatoren (vrijwilligersfunctie).
Huus van de Taol is de streektaolorganisatie die zuch inzet um de Drentse taol te bewaken en an te fietern. Oeze organisatie bestiet uut een bestuur, een directeur, zes vaste metwarkers en umdebij 150 vrijwilligers. Sommige vrijwilligers bint actief in heur woonplaots, aandern helpt in oes Beilen of vanoet hoes.
Wie zuuk wij?
Hej aordigheid an regeln en plannen? En bi’j iene die goed is in overzicht holden en bij veurkeur affiniteit hef met het underwies?
Vanzölf staoj positief tegenover het Drents, maor het is veur dizze functie niet verplicht daj het ok zölf beheerst.
Wat gaoj doen?
- planning maken veur het veurlezen
- contacten onderholden met schoelen in je eigen gemiente
- contacten onderholden met veurlezers in je eigen gemiente
- contacten onderholden met het Huus van de Taol
Hoe zöt het veurleesproject deroet?
Elk jaor maak we in het kader van de meertmaond-streektaolmaond het blad Wiesneus veur basisschoelkinder. Dizze wordt in een oplage van 22.500 stuks drukt en deur vrijwilligers verspreid over de schoelen in Drenthe. Bij het oetlangen van de Wiesneuzen in de meertmaond leest vrijwilligers de kinder veur in het Drents.
Dit betiekent daj vanof jannewaori tot en met meert as coördinator gangs bint met dit project.
Wat hew te bieden?
Het giet um een vrijwilligersfunctie waorbij aj veul ruumte hebt veur eigen inbreng. Je warkt met enthousiaste collega’s die zuch inzet um het Drents een taol weden te laoten waor alle gebroekers groots op bint en die niet-gebroekers waardeert.
Ie kunt reken op understeuning vanoet de vaste metwarkers in Beilen. Vanzölf wordt eventuele kilometers en aandere kosten die aj maken moet vergoed.
Interesse?
Nim dan contact op met oeze streektaolfunctionaris Arja Olthof: arjaolthof@huusvandetaol.nl of 0593-371010.
PS: Vrijwilligerswark binnen een ANBI-instelling huuft gien gevaor op te levern aj in de ww zit. Via het UWV bint daor regels en anwiezingen veur te vinden.