Ienakters oet de cursus

 

 

Boeten de tenielstukken in oes tenielfonds, vin ie hier de risseltaoten van een bizunder preject. In 2020 hew een cursus ienakterschrieven organiseerd, o.l.v. Hans Brans. Daor bint schiere ienakters schreven en de teksten daorvan kuj hierunder vinden.
Aj een ienakter opvoeren wilt, dan bint de opvoerrechten € 40,- excl. BTW (veur de schriever) plus de kopieer- en portokosten (veur het Huus van de Taol). Stuur hierveur een mail naor info@huusvandetaol.nl.
In meert 2025 hef het Huus weer het ienakterfestival Kört&Goed. Doe met an!

De lege liest – Ienakter deur Leontine Kruis

Ienakter veur twei mannen en twei vrouwen

De galerie van kunstenares Monique Baks draait al enige tijd met verlies.
Bezoekers blijven weg er wordt niks verkocht.
Gelukkig krijgt zij hulp uit onverwachte hoek.
Lukt het haar om de galerie te redden? En wat is nou eigenlijk kunst?

De galerie van kuunstenares Monique Baks dreit al een poosie mit verlies.
Bezukers koomt der niet meer en der wordt niks verkocht.
Gelukkig komp der hölpe van een kaante waor ze het niet verwacht had.
Kreg ze het veur mekaar um de galerie te redden?
En wat is nou feitelijk kuunst?

Galerie De Lege Lijst Leontine Kruis

De Miljoenenjacht – Ienakter deur Anne Doornbos

Ienakter veur twei mannen en ien vrouw, meugelijk ok ien man en twei vrouwen

Een inbreker (kan man/vrouw wezen), anlokt deur berichten over veul geld, wordt overlopen deur ien van de bewoners. De man mut van zien vrouw beneden slaopen, want ze hebt ruzie kregen. Tussen de inbreker en het echtpaor ontstiet een kat- en muusspel waorbij de inbreker het gedoe tussen de echtgenoten probeert te gebruken in zien eigen veurdiel. En wel trekt der an het langste èend?

De Miljoenenjacht Anne Doornbos

Gien bereik – Ienakter deur Leny Hamminga

Ienakter in veer scènes veur vief speulers in het Drents en Nederlands

“Ik ben Reina, of liever Heidi, want ik hol van de Alpen en de geiten en gesmolten kees. Ik bin met mien gezin op weg naor de Zwitserse alpenhut van Hanni. Dat is de enigste plek in Europa,  waor gien bereik is veur tillefoons. Want mien man, Roddy en mien kinder Splinter en Mae, hebben tegenwoordig allennig nog maor oog veur heur mobielties en niet meer veur mij! Ik word niet opmarkt, ik krieg gien aandacht meer. Maor ik heb een plannegie bedacht…”

Gien bereik Leny Hamminga

Zij mint de koetsier – Ienakter deur Gerdina

Dizze ienakter mag nao 29 augustus 2020 speuld worden, um reden dat de primeur dan west is.

Dizze ienakter veur drei vrouwlu en ien kerel is naor de legende van de Juffer van Echten.
De titel is een citaat van Annie M.G. Smidt:
‘Wat een gemier, zij mint de koetsier.’

Het verhaol speult zich of in de salon van Huze Echten.
De jongejuffer Kaatje rak verliefd op de neie koetsier, toen de olde koetsier uut de tied ekomen was deur de rotkoorts.

Heur va, de Heer van Echten, hef een zwak veur Kaatje.

De moe van Kaatje wil alles doen ‘zoas het heurt’. Zij is um het femiliebezit te vergroten mit Otto etrouwd en zet heur stempel op de hiele gang van zaken.
Uuteindelijk blek dat ok moe heur geheim hef.

De meid heurt en zet alles. Zij vertelt het publiek hoe zij der aover deinkt. Ok toen was niet alles zoas het leek, de geschiedenis herhaalt zich.

Zij mint de koetsier – Gerdina

Hiep, hiep, promotie Gladderwiek – Ienakter deur André Rosing

Ienakter veur twei mannen en een vrouw

De allerleste en beslissende wedstried van het seizoen veur SV Gladderwiek, oftewel Zaoterdag 1, tegen de eeuwige concurrent de Siepelveense Boys. De promotie is in zicht in dizze derby waor het der hard an toe giet… miestens pas in de darde helft. Wij gaot gien voetbal kieken, maor maokt wel de malaise van de dit jaor nei keuzen veurzitter Gerrit Platje met. Hij had maor ien missie, had e zegd op de algemiene ledenvergaodering en dat was promoveren. Platje had al jaorenlang weemoedig alle onhandigheden van de veurige veurzitter ankeken, der kwam ja gien schot in het verhaol. Dat kun zo niet langer… Nou is hij an zet en kan hij metien an zien collega-undernimmers laoten zien wat e weerd is!

Hiep, hiep, promotie Gladderwiek

 

 

Mien breur en ik – Ik en mien breur – Ienakter deur Henk Dokter

Ienakter veur twei vrouwen en twei mannen

Het stuk speult in het café van Robert de Vries. Robert en Erik bint twee vrijgezellen van midden dartig. Ze kent mekaar al vanof de kleuterschoel. Vanof die tied hebt ze met zien beiden praktisch alles samen daon. Samen op stap, samen op vakansie. Ze warkt ok samen. Ze hebt met zien beiden een klein bouwbedriefie. Daornaost hef Robert ook nog het plaotselijk café.

Robert stiet achter de bar as zien kammeraod Erik binnen komt. Dudelijk is te zien dat Erik zich onrustig vuult. Over de anleiding veur Erik zien onrust, is de ofgelopen daogen deur beide al het neudige zegt.

Het zit zo! Bij Olle Willem Huizing hebben Erik en Robert twee mooie appartementen op de diel bouwd. De appartementen bint snel verhuurd. De neie bewoners bint twee vrouwen uut een aander dörp, van ongeveer hun leeftied. Erik hef ze al zien toen zij de appartementen bekieken kwamen.

Vanof die tied is e bar onrustig. Hij hef het gevuul dat ien van beide zien toekomstige vrouw wel ies worden kun. Maor wie van de beide? Hij wet niet goed hoe hij dit an anpakken möt.

Robert kreg iniens een helder idee en gef as advies. “Je moet ze gewoon allebei een poosie op proef nimmen!” Op die manier kuj ze allebeide leren kennen. En kuj een keuze maoken het beste bij je past! En je tweelingbreur mut je helpen!

Erik zien tweelingbreur mut hem helpen?! Een hiel mooi plan, allent…. Er bestiet gien tweelingbreur.

Mien breur en ik ienakter Henk Dokter

Viefsterrensafari – Ienakter deur Marianne Braam

Ienakter veur drie vrouwen en twei mannen

Viefsterrensafari is een Drentse eenakter die zich afspeult in Centraal Afrika. Wied vort, maor soms is de wereld kleiner dan aj denken.

Dree vrouwlu bint de heule dag deur de enthousiaste gids in de jeep rond reden en komt an bie de overnachtingsplek, die op zien zachtst zegd, een beetie tegenvalt. Maor dan…oh lieve hemel! Heurt ze daor nou een leeuw brullen? Hup Marie in de tent! En daor zit ze dan, tussen de wilde dieren mit veur de tent een lid van de Masai die de wacht holdt. Gelukkig heb ze Frederiek met, die is nargens bang veur…

Maor uh… hoe zit dat eigenlijk mit die gids?  Wil hij echt de dames allent het echte Afrika laoten zien…of zul e wat aans in ’t  zin hebben?

Ie gaot het zeen in de eenakter Viefsterrensafari.

Dizze eenakter is vanof meert 2021 beschikbaar.

Postzegels en oploskoffie – Ienakter deur Ina Nieuwhoff

Kluchtig tenielstuk in 1 bedrief veur 2 jongs en 4 wichter

Mans woont hiel tevreden in zien hoesie en vermaakt zich, naost zien wark op het gemientehoes, met zien postzegelverzaomeling.

Roel, de kameraod van Mans, hef veur Mans veer wichter regeld die komt speeddaten, want hij vindt het tied worden dat Mans een schier wicht leert kennen waor hij zien leven met kan dielen.

Mans hef regeld dat er een bekend wicht langskomt um Roel een lessie te leren. Maor of dat lukt? Zit er tussen de kandidates  een wicht waor Mans verder met zul willen of blef hij eeuwig vrijgezel en is daor een reden veur?

Postzegels en oploskoffie Ina Nieuwhoff

Hardheurend – Ienakter deur Anne Doornbos

Ienakter veur vief speulers, drie mannen en twei vrouwen. Het stuk kan ok speuld worden deur twei mannen en drie vrouwen.

Het speult op oldejaorsdag in de wachtkamer van een ziekenhuus op de eerste hulp. Daor wordt een slachtoffer van het carbidschieten binnenbracht. Ien slachtoffer? Nee, der komp een tweeide! Wat volgt bent onveurziene verwikkelings, liefdesproblemen en situaosies waorin mèensen mekaar niet meer verstaot. Of misschien niet meer verstaon wilt?

Hardheurend Anne Doornbos

 

Meer informatie over ien van de ienakters oet de cursus?

Velden met een * moej altied invullen