Lezingen

Hej binnenkört een bijienkomst waor aj nog een spreker veur zuukt? Hej dan wal ies dacht an een lezing van het Huus van de Taol? Wij bint geregeld op pad um Drenten en niet-Drenten te vertellen over oeze mooie taol en waorum wij het Drents zo weerdevol vindt.

Waw je allemaol vertellen kunt:

  • over de geschiedenis van het Drents en het Nedersaksisch
  • waorum aj op veursprong staot aj ok een streektaol spreekt
  • over de zeuven varianten van het Drèents
  • wat Drenten precies wal of niet bedoelt
  • spraakverwarring Drents – Nederlands
  • begroeten in het Drents
  • over het belang van het Nedersaksisch
  • en nog veul meer.

Daornaost kuj ok bij oes terecht veur:

  • een Drentstaolige lezing over ien van oeze warkvelden: meziek, schrieverij, taolpremotie, underwies, wetenschap
  • een Drentstaolige kwis (in combinatie met een körte lezing)
  • een Drentstaolige pubkwis.

Vanzölf praot wij ok Nederlands, dus de lezings kunt ok in een combinatie van Drents en Nederlands geven worden.

Veur meer informatie kuj understaond formulier invullen. Wij nimt dan zo rap meugelijk contact met je op.

Een lezing kost je de kop niet! Vanof € 125 kuj oes al vastleggen!

Anvraogformulier lezing

Velden met een * moej altied invullen