Bi 'j ziek, zeeik, zaik, zeik of zeek?

16 juni 2013

Het Nederlandse woord ‘ziekte’ is een woord dat een mooie verdeeiling hef over Drenthe. Ziekte zeggen ze in ‘t zuden, de ie wordt in bepaolde plaotsen laang anholden. In de omgeving van Beilen en Hieken wordt ‘zeekte’ en ‘ziekte’ beide gebruukt. ‘Zeeikte’ zeggen ze in Nörg, Geeiten, Vreeis en Eext. In Roon en Paais is ‘t ‘zeik’ en in de Veenkolonies ‘zaik’. Dizze verdeeiling had dr. Geert Kocks van ‘t Woordenboek van de Drentse Dialecten in de jaoren ’70 van de veurige eeuw ok al constateerd. Veur oous was het toch een beetie verrassend dat oet de enquête naor veuren komp dat veur dizze beide woorden de verdeeiling nog aal ’t zölfde is as de bronnen van virtig, vieftig jaor leden zeein laoten.